ჟოან კორნელა

ანციკლ ოპედია გვერდიდან
გადასვლა: ნავიგაცია, ძიება
ტიპიური სიტუაცია.

ჟოან კორნელა (Joan Cornellà Vazquez) — ტვინნაღრძობი კატალონიელი მხატვარი. შემოქმედება გამოირჩევა აბსურდით, ცინიზმით, ათასი მახინჯით, გაღიმებული სახეებით და უამრავი სხვა ნარკოეფექტით. განსაკუთრებით ჭკვიანები ცდილობენ მის შემოქმედებაში ღრმა აზრის ძიებას. ინტერნეტში ცნობილი გახდა კომიქსებით, რომლებიც აღნიშნულ მოტივებს შეიცავენ.

ბიოგრაფია[რედაქტირება]

ფსევდონიმის მატარებელია რენატო ვალდივიესო, ბარსელონადან. ამჟამად ცხოვრობს ქალაქ ბლანესში. მნიშვნელოვანია, რომ იგი პროფესიონალი მხატვარია. მისი ილუსტრაციები ოდესღაც აფორმებდნენ რეგიონული მნიშვნელობის შენობებს, თავად კი სხვადასხვა კონკურსში ჯილდოები აირტყა, მუშაობდა ჟურნალებთან. ასე თუ ისე, პურის ფულს სამართლიანად შოულობს, აი ნაწილი კი ამ ტექსტების მკითხველებისა უნიჭო კლავიატურის ლომია.

შემოქმედება[რედაქტირება]

მხატვრის კომიქსებში სოციალური პრობლემებია წამოყენებული. იგი დასცინის ადამიანებისთვის დამახასიათებელ მანკიერებებს, რასაც აღწვს სიტუაციური კომედიური ფონით და სპეციფიკური შავი იუმორით. ზოგიერთი ამ იუმორს ვერაფერს უგებს.

მოქმედება მხატვრის კომიქსებში ხშირად იწყება მშვიდად - გაღიმებული მამაკაცი მიდის სამსახურში. მოულოდნელად ადგილი აქვს რამე სისხლიან მოქმედებას. სიუჟეტის სხვა სახით განვითარების შემთხვევაში რამე სისულელე ხდება და სხვა პერსონაჟები სხვადასხვა სახით მასთან ურთიერთობენ. მუდმივი სავიზიტო ბარათია უკანასკნელ კადრში გაღიმებული სახეები.

ბმულები[რედაქტირება]